நான் எனும் நண்பன்

சிறிய இடை வேளைக்குப் பிறகு மீண்டும் ஒரு கவிதையோடு வலை உலக நண்பர்களை சந்திப்பதில் சந்தோஷம். (உங்களுக்கும் சந்தோஷம் தானே....வந்துட்டான்யான்னு சொல்லி நிறையப் பேர் திட்டித் தீர்ப்பதாக நம்பகமில்லாத் தகவல் சொல்லிக் கொண்டிருக்க......) அட....நமக்குள் நாம் தானேன்னு சொல்லி இன்றும் ஒரு பதிவு எழுதுகிறேன். கட்டாயம் பார்த்து விட்டு உங்க கருத்த சொல்லிட்டு போங்க...

இனி மாட்டருக்கு வருவோமா? ஒவ்வொருவருக்கும் வலது கையாய் இருப்பது அவர்களுடைய நண்பர்கள். இன்பம், துன்பம், எது வேண்டுமானாலும் முதலில் பகிர்ந்து கொள்வது உயிர் நண்பனோடு தான். அதன் பிறகு தான் அம்மா, அப்பா, குடும்பம்னு சொல்லி ஆரம்பிப்போம். (இது என்னைப் பொறுத்த வரை....) வாழ்க்கையின் ஒவ்வொரு நிமிடங்களையும் வெற்றியாய் மாற்றித் தருவது ஒரு நல்ல நண்பன் தான். (கூடவே இருந்து எங்க கழுத்தையே வெட்டி எங்க கையில கொடுக்கிற நல்ல நையாண்டிகளும் இருக்கிறாங்க..)

என் வெற்றி, தோல்வி, இன்பம், துன்பம் இப்படி பல சந்தர்ப்பங்களில் என்கூடவே இருந்து எனக்கு கை கொடுத்த என் உயிர் தோழன் மாதம்ப - ஹிஜ்ரா மாவத்த - முஹம்மத் ஷப்வான் இன்னக்கி (28 ம் திகதி ) தன்னோட பிறந்த நாளைக் கொண்டாடுகிறார். அவருக்கு இனிய பிறந்த நாள் வாழ்த்துக்கள்.



அவருக்காகவும், மற்றைய என்னோட நண்பர்களுக்காகவும் இன்றைய பதிவில் ஒரு கவிதையை கிறுக்குகிறேன். கிறுக்கலை சித்திரமாக மாற்றுங்கள். (அதாங்க..... பின்னூட்டம் இடுங்கன்னு சொல்றேன்.....)

நான் எனும் நண்பன்

****************************

பள்ளி வாழ்வில்
பாசங்களைப் பரப்பிய
பசுமைப் பூக்கள்!!........
பண்பினைப் பகிர்ந்த
பச்சிளங் குழந்தைகள்!!.....

துன்பத்தின் போதெல்லாம்
கண்ணீர் துடைத்த கைக்குட்டைகள்!!...
இன்பத்தின் போதெல்லாம்
இல்லறம் கலந்து கொண்ட விருந்தாளிகள்!!....

மழை நாட்களில்
எனை பாதுகாத்த குடைகள்!!....
வெயில் காலங்களில்
கூடவே இருந்த நிழல்கள்!!!......

உண்ணுகையில் உண்டியான
கற்கண்டுகள்!!!......
பருகுகையில் பாத்திரத்தில் வந்த
தண்ணீர் துளிகள்!!......

என் சோகங்களை
சுகங்களாய் மாற்றிய கற்பனைகள்!!....
என் வெற்றிகளின் போது
சந்தோஷமடைந்த ரசிகர்கள்!!....
என் தவறு கண்டு
என்னைத் தட்டிக் கொடுத்த என் வலக் கரங்கள்!!....

ஒளியாய் எனை முத்தமிடும்
நட்சத்திரங்கள்!!!.....
என் வாழ்க்கைக்கு அர்த்தமூட்டிய
ஆருயிர்கள்!!!.....

மொத்தத்தில் இவைகள் தான்
நான் எனும் என் நண்பனின்
அடையாளங்கள்!.........

(அட... கவிதை நன்றாக இல்லன்னு சொல்லக் கூடாது. ஏன்னா உங்களுக்கே தெரியும்.... நான் இப்போது தான் அங்கங்க கிறுக்க ஆரம்பித்திருக்கேன்... அவைகள் நல்ல கவிதைகளாக மாற வேண்டும் என்பது தான் என்னோட ஆசையும் கூட. நிச்சயம் மாற்றம் அடையலாம் எப்போதுன்னு சொன்னா அப்போது தான்.... அதாங்க எப்போ பின்னூட்டல் கிடைக்குமோ அப்ப தாங்க...... ஹி............ஹி....... )

அப்போ கட்டாயம் பின்னூட்டல் இடுங்க....... ஓகேவா????

அப்போ நான் வரட்டா!!......

உங்கள் நண்பன்

அபூ......

காகிதக் கிறுக்கல்கள்....

இப்போதெல்லாம் என்னுடைய கிறுக்கல்கள் அதிகரித்து விட்டது. (ஐயய்யோ.... காதல் கிறுக்கு இல்லீங்க....கவிதைக் கிறுக்கு. நானென்ன அவ்வளவு பெரியவனா? ஹி.....ஹி.....)



இன்றைய பதிவிலும் என் கிறுக்கல்கள் சிலவற்றை கிறுக்கி வைக்கிறேன். அதை சித்திரமாக மாற்றித் தருவது உங்க கையில் தான் இருக்குது. (அதாங்க, நீங்க கொடுக்கிற பின்னூட்டலில் தான் இருக்குதுன்னு சொன்னேன்......)

************************************



காற்றின் மொழியாய்
உன் பெயர்......
கற்பனைகளின் நிஜங்களாய்
உன் நிழல்......
கவிதையின் கருப்பொருளாய்
உன் உருவம்......
மொத்தத்தில் கவிஞன் இவன்
கருத்தரித்த கன்னியவள் நீ.........

(இவரு பெரிய கவிஞர் என்றெல்லாம் நீங்க சொல்லக் கூடாது....ஹி.....ஹி..... முடியுமானத எழுதுறோம்...ஆனால் காதல் அனுபவம்????..... அது சத்தியமா இல்லீங்க....)

**********************************************



இரவுகளின் நிசப்தங்கள்
என்னோடு மட்டும் கதை பேசுகிறது.....
காலைச் சூரியன்
என்னை மட்டும் சுட்டெரிக்கிறது.....
பகல் பந்தி
என்னை மட்டும் ஒதுக்கி வைக்கிறது......
மாலை மந்திரம்
என் செவிகளில் மட்டும் ஓங்கி ஒலிக்கிறது.....
இத்தனைக்கும் நீ என்னருகில்
இல்லாதது தான் காரணம்........

(ரொம்பத் தான் தனிமையில் வாடிக் கொண்டிருப்பதாக நீங்க யோசிக்கிறீங்க. அட இல்லீங்க......ரொம்ப ஜாலியாத் தான் இருக்கிறேன். ஆனால் இந்த வரிகள் தானா வருதுங்க..... என்ன தான் பண்ணலாம் இல்லையா???)

உலவு வந்தவர்களே.....
உள்ளத்தில் உள்ளதை
உளறி விட்டுப் போங்க....
உரு மாறும் என் கற்பனைகள்.....

அப்போ நான் வரட்டா !!!!

உங்கள் நண்பன்

அபூ.......

புது வரவு...

குறைந்த விலையில் கணணி வாங்க வேண்டும் என்று சொல்லி ஐடியா இருக்கிறதா உங்களிடம்? (சவர்க்காரம் கூட இப்போ ஓசில கிடைக்க மாட்டாதாம் இல்ல.....ஹி......ஹி....)
அப்போ இன்னக்கி உங்களுக்கு என் தேடலில் சிக்கிய ஒரு தகவலை அறியத் தருகிறேன்.



இந்தியாவின் மிகப் பெரிய செல்போன் நிறுவனங்களில் ஒன்றான பாரதி ஏர்டெல் நிறுவனம் நெட் பிசி என்ற புதிய வகை கணணி ஒன்றை அறிமுகம் செய்துள்ளது.

இந்த கணணியை Windows XP மூலம் தான் இயக்க முடியுமாம். இதன் பெறுமதி சும்மா....(அதாங்க நீங்க எல்லோரும் சேர்ந்து ஒரு நேர பகல் சாப்பாட்டுக்கு செலவு செய்வீங்களே..... ) 5000 இந்தியா ரூபாய் தானாம். (இவ்வளவு தானா??? வாங்கிட்டாப் போச்சு.... இருங்க.... மேல வாசிச்சிட்டு போங்கய்யா.....)

இந்த குட்டி கணணியை இயக்க முதலில் USB Modem அல்லது Broadband கேபளுடன் இந்த நெட் PC ஐ இணைக்க வேண்டுமாம். (அவ்வளவு தான். அதற்கு பிறகு ஜால்லியோ ஜாலி தான்......)

இதன் எடை 0.5 Kg தானாம். நீங்க எங்க வேண்டுமானாலும் எடுத்துக் கொண்டு போகலாம். அட உங்களோட பையில் கூட போடலாம் என்றால் கட்டாயம் ஒரு சபாஷ் போடத் தான் வேண்டும்.

இன்னுமொரு சுவாரஷ்யமான செய்தி என்ன தெரியுமா? இன்டர்நெட் வசதி இல்லாமல் கூட நீங்க இதில் மேயலாம்னு (சாரி, சருக்கிடுச்சு...) உலா வரலாம்னா கட்டாயம் இதை பாவித்து பார்க்கத் தான் வேண்டும்.

ஆனால், இந்த கணனியில் நீங்கள் Internet Explorer மட்டும் தான் பயன் படுத்த முடியுமாம். அங்க Firefox, Google Chrome ஆகியவற்றுக்கு டாடா சொல்லிட்டாங்க என்கிறது கொஞ்சம் கஷ்டமான விடயம்.

இனி மாட்டருக்கு வருவோமா? (அதாங்க பில்.......) இதற்கான குறைந்த மாத வாடகை 700 ரூபாய் தானாம். இதில் 500 ரூபாய் broadband இணைப்புக்கும், 200 ரூபாய் Software ருக்குமான கட்டணமாம்.

இனி என்ன? வாங்கிட்டாப் போச்சு!!!.....

( இன்னக்கி உலா வரும் நேரம் கிடைத்த தொழில் நுட்ப தகவல் ஒன்று இது . நேரம் கிடைத்த நேரம் பதிவிட்டிருக்கிறேன். எனக்கு முதல் தொழில் நுட்ப பதிவிடும் ஏராளமான பதிவர்கள் இருக்கிறார்கள். எனவே நான் முந்திக் கொண்டிருந்தாள் வாழ்த்தி விடுங்கள். பிந்தி விட்டேனா சந்தோஷப் படாமல் கருத்த சொல்லி உற்சாகப் படுத்தி விடுங்கள். )

அப்போ நான் வரட்டா!!! (ஐயோ..... கருத்து???? அத comments ல சொடுக்கி அதுல வரும் அந்த பெட்டிக்குள் எழுதி விட்டுட்டு போங்க..... ஹி......ஹி.....)

உங்கள் நண்பன்

அபூ......

தந்தையர் தின வாழ்த்துக்கள்..

நான்கு வயதிலேயே இழந்து விட்டேன்
நான் என் தந்தையை.....
ஆளுக்கொவ்வொருவரும் வாழ்த்து சொல்லிக் கொண்டிருக்கின்றனர் அவர் அவர் தந்தைக்கு.... நான் வாயடைத்துக் கிடக்கிறேன்... வாழ்த்துவோரைப் பார்த்துக் கொண்டு...பாலாய்ப் போன என் கவி வரிகளுக்கு என் சோகம் புரிந்தது....கண்ணீராய் சிந்துகிறது என் வலைக்குள்......

தந்தை இல்லாமல் இருக்கும் எனக்கு தந்தையான நீங்கள் ஒவ்வொருவரும் தந்தை மார்கள் தான். எனவே இனிய தந்தையர் தின வாழ்த்துக்கள் என் தந்தைகளே....





(Safras தான் என்னுடைய பெயர். சின்ன வயதிலேயே தந்தையை இழந்ததால் எல்லோரையும் போல் எனக்கும் அப்பா என்று சொல்ல ஆசை.... ஆனால் அது முடியாதில்லையா?? அதனால தான் என் பெயரோடு இணைத்து Safras Aboobakker என மாற்றிக் கொண்டேன். அது இப்போது என் நண்பர்களால் அபூவாக மாற்றப் பட்டிருக்கிறது... சந்தோஷமாக இருக்குது.... )

தந்தை இல்லாத எனக்கு இன்னக்கி எப்படி வாழ்த்து சொல்ல கவிதை கொட்டி இருக்கும்....

இப்படித் தான்....


தங்கம் என்று சொல்ல
தந்தை நீயும் இல்ல.....
தரணி எங்கும் போற்ற
தமையன் இங்கு நிற்க.....
தவிக்கிறது.....
தத்தளிக்கிறது.....
தனியே என் மனது....
தந்தை உன்னைக் காண.......

*******************************************

முகவரி கொடுத்தாய்...
முத்தமிட்டாய்....
மூச்சடைத்தாய்....
முணங்குகிறேன் - உன்
முகம் காண.......

*******************************************

முடியுமானால் வந்து விடு...
முடியாவிட்டால் தந்து விடு...
முத்தான உன் முகவரி..
முத்திரையாய் பதிக்கிறேன்....
முகிலுக்கும் கொடுக்கிறேன்....
முகம் காண முடியாத - உன்
முகவரியை......

******************************************

முடிவிலி வாழ்வாய் நீ வாழ்கிறாய்..
முட்டி மோதுகிறேன் - புன்
முறுவல் பூத்த - உன்
முகம் காண்பதற்கு.....

*******************************************

முடியவில்லை - இனியும்
முடியவில்லை.......
முடித்துக் கொள்கிறேன்....
முணுமுணுக்கும் என் உளறல்களை.....

**********************************************

(எனக்கு தந்தையாய் இருந்து உதவிகள் பண்ணிய என் தாய் மாமன் Dr. Mauroof அவர்களுக்கு என் வலையினூடாக வாழ்த்துக்களை தெரிவித்துக் கொள்கிறேன்...வாழ்த்துக்கள் மாமா...இல்ல..இல்ல..வாழ்த்துக்கள் அப்பா...அப்புறம் எனக்கு உருதுணையாய் இருந்த அத்தனை தந்தையர்க்கும் மீண்டும், மீண்டும் வாழ்த்துக்கள்.... )

உலவு வந்தவர்களே.....
உள்ளத்தில் உள்ளதை
உலரி விட்டுப் போங்க....
உரு மாறும் என் கற்பனைகள்.....

அப்போ வரட்டா.....

உங்கள் நண்பன்

அபூ......

இசை எனும் மூச்சு...

இன்று என்னுடைய நண்பன் திடீர் என அரட்டை அடித்துக் கொண்டிருக்கும் போது, தன்னுடைய மனதை ஏதோ சஞ்சலப் படுத்திக் கொண்டிருப்பதாக சொன்னான். (அங்கயுமா?? உண்மையான நட்பு இங்க தான் இருக்கு.....), ஆனா நீங்க ( என்னைத் தான் சொல்றாரு....) Facebook ல் எழுதும் கவிதைகள் (அது கவிதை இல்லடா.... சொற்கள் கொண்டு அமைந்த கட்டுரைடா.........) மனதை கொஞ்சம் திருப்திப் படுத்துவதாக சொல்லி இருந்தார்.



அவருக்காக திடீர்னு சொல்லி ஒரு கவிதை சொல்லச் சொன்னார். (முடியல... ரொம்ப ஓவரா இருக்கு இல்லையா??? ) - முடிந்த அளவு try பண்ணினேன்.... இவ்வளவு தான் வந்தது... இதற்கு மேல் வரல்ல...(என் கை கூட இவ்வளவு கஞ்சத்தனம் இல்லீங்க...ஆனா என்னோட கற்பன ரொம்ப கன்ஜூஸ் - இது நம்மோட மொழி...),

எப்படி இருக்குதுன்னு கட்டாயம் சொல்லுங்க?..




இசையே உன் மூச்சு....
இனி என்ன பேச்சு...
இப்போ என்ன ஆச்சு???
இசையில் இணைந்த
இதயம் கொள்ளக் கூடாது சலனம்...
இசை இளவரசர்கள் உன் நாமம்...
இனி என்ன???
இதயச் சுமையை
இறக்கி வை....
இசையால் இணைந்த எம்மிடம்...
இப்போதிலிருந்து தொடரட்டும்
இனிப்பான உன் இசைப் பயணம்.....



என் நண்பனுக்கு இந்த வரிகள் திருப்தியைக் கொடுக்குமா?(எது எப்படியோ??) உங்க பதில் கட்டாயம் எனக்கு திருப்தியைக் கொடுக்கும்க....

வந்ததும் தான் வந்தீங்க.... அப்படியே கருத்த சொல்லிட்டு போறது....

வரட்டா!!!!

உங்கள் நண்பன்

அபூ.......

புரியாத புதிர்!!!....

ஏனோ தெரியவில்லை... இப்போதெல்லாம் கணனிக்கு முன்னாள் அமரும் போது விடை தெரியாத கேள்விகளும், மனதை சஞ்சலப் படுத்தும் சிந்தனைகளும் தான் தடம் புரள்கிறது.சில வேளை சொந்தங்களை விட்டு கடல் கடந்து இருப்பதனால் என்னவோ யாரறிவார்? (ஆக....கவிதை எழுத ஆரம்பித்து விட்டேன் இல்லையா???.....)

இது கவிதையா??? வார்த்தைகளா?? அல்லது என்ன சொல்றதுன்னு தெரியல்ல?....... வாசிக்கிற நீங்க தான் சொல்லணும் எப்படி இருக்கிறது?... என்ன உணர்கிறீர்கள் என்பதை?.....

அப்போ........தொடங்குங்க........





மலரும் விடியல்கள் ஏனோ?..
மனதை சஞ்சலப் படுத்துகிறது......
மலரும் மொட்டிடம் கேட்கிறேன்....
மடி சாயும் தோழனிடம் கேட்கிறேன்.....
மஞ்சள் வெயிலிடம் கேட்கிறேன்....
மர நிழலிடம் கேட்கிறேன்....
மருங்குகளில் கிடக்கும் இலைகளிடம் கேட்கிறேன்...
மனதை வருடும் தென்றலிடம் கேட்கிறேன்.....
மன்னிக்கவும் என்கிறது அத்தனையும்....
மன்றாடுகிறேன்...காரணம் அறிவதற்கு......

மனங்களே!!!... அப்படி மனதை சஞ்சலப் படுத்தும்
மர்மம் என்னவாக இருக்கும்?????
மனம் திறந்து உங்கள் பதிலை சொல்லுங்கள்.......
மன வேதனைப் படும் இவனுக்கு.........



என்ன சொல்லப் போறீங்க???

தாராளமா சொல்லிட்டு போங்க....(அட... கருத்து சொல்லுங்கன்னு சொன்னேன்....)

வரட்டா!!!!

உங்கள் நண்பன்,
அபூ......

உன் சொந்தம்....

காணும் காகிதமெல்லாம் கிறுக்கும் பழக்கம் கொண்ட நான் இன்னக்கி என்னோட வலைக்குள் கொஞ்சம் கவி வரிகளால் கிறுக்கலாம்னு நினைத்தேன்......கிருக்கியுமுள்ளேன்....

கட்டாயம் பாருங்க.....
கருணையோடு கருத்து சொல்லுங்க.....




காதோரம் கதை பேசுவோம் என்றேன்..
கண்களால் கவி பாடுவோம் என்றாய்....
காதல் கொண்டது என் உள்ளம்.....
காயப் படுத்தியது உன் எண்ணம்.....
காரணம் கேட்கிறார் பலர்....
காற்றுக்குக் கூடத் தெரியாது....நாளை உனக்கு
கட்டு மேளம் என்பது!!!.........
கண்ணீரை மட்டும் சொந்தமாக்க நான் என்ன
காதல் பித்தனா???.......
கருணையோடு கவி பாடப் போகிறேன்....
காரிருள் மேகங்கலோடு.......
நீ விரும்பினால் என் -
கவி வரி மட்டும் தான் இனி உனக்கு சொந்தம்.....
காத்திரு......
(சத்தியமா வெறும் கற்பன மட்டுமே மட்டும் தான்..... இதப் போய் அனுபவமா?? உண்மையிலே நாளக்கி அவங்களுக்கு மாங்கல்யம் தந்துனானேயான்னு நீங்க கேட்கக் கூடாது ........சும்மா கிறுக்கல் தான் இவையெல்லாம்....... )

அப்போ நான் வரட்டா!!!

உங்கள் நண்பன்
அபூ.....